Nijs fan Nelly

Omdat we freed noch altyd neat heard hienen fan de direkteur hawwe we Nelly, In Hongaarske freondinne, maild om te freegjen oft sy ús helpe koe. Sy hat kontakt hân mei de direkteur en se wie ferrast. Hy wol gewoan net leauwe dat wy rûnkomme kinne fan Jelle syn salaris. Want it hûs moat ynrjochte, de bern binne der en de nevenkosten. Se hat hiel bot har bêst dien om him derfan te oertsjûgjen dat wy it goed trochtocht hawwe en dat der genôch jild is mar it is har noch net slagge. Se hat sels sein dat sy en har famylje ús helpe soenen as der problemen wienen. Soest dy man no net??
Uteinlik hawwe se ôfpraten dat se kontakt hâlde soenen. Moarn bellet Nelly har mem om te oerlizzen. Miskien hat dy noch oare ideeën.
It bliuwt in frjemde saak. Wêrom kin sa'n man soks net earder betinke?
Ik wurd der hielendal senuwachtich fan. Ik wol witte wêr't we oan ta binne.
Goed, wurdt ferfolge...