Foarjier!!

It hat even duorre mar no is it ek hjir foarjier! De lêste dagen hienen we sa'n 16 graden, de sinne derby! De omslach is wol grut. Oan it begjin fan de wike noch snie en no de hege temperaturen.
Foar Feije is de oergong wat te grut. Hy hat al wer siik west. Tongersdeitejûn hie er al wat ferheging. Doe't ik him freed frege hoe't it gong, sei er mei in hiel sielich stimke: Goed! Hy woe sa graach better wêze want eins moast er de jûns nei fuotbal ta. Dêr hie er sa'n sin oan! Mar it koe net trochgean want hy hie flinke koarts. Juster dus thúsbleaun fan skoalle, in pear kear paracetamol hân en ekstra sliept en hjoed wie er der wer!
Omdat hy noch wol wat wurch wie, hawwe we it wol rêstich oandien. Fannemiddei hawwe we by Nati yn it sikehûs op besite west. Se fûn it hartstikke leuk dat we der wienen. We hienen in barbie foar har meinommen en dy hat se ek net wer loslitten. Fierder hat se moai wat mei de famkes boarte en Tjitske twa hierspjeldsjes ûntfutsele. Je kinne hiel goed merke oan dizze bern dat yn in tehûs mei in protte bern op ien keamer 'it myn en dyn' net sa dúdlik is. Pakke wat je pakke kinne! En as je wat hawwe dan net wer loslitte. De dingen dy't se foar harsels hawwe, geane ek oeral mei hinne.
Moarn komme der wer trije by ús op besite. De twa jonges fan foarige wike en in nij famke. We binne benijd hoe't it gean sil want it famke skynt soms wat dreech te wêzen. Mar se woe ferskriklik graach, hat my alle dagen fan de wike frege wannear't se komme mocht. We fertrouwe der mar op dat it goed giet. Soms is it ek mar krekt hokker komby je hawwe.
Ik sil no noch even it húswurk fan de froulju neisjen. Se dogge o sa harren bêst en we lizze moai op skema!
Wat ek leuk is: we hawwe in specht yn ús achtertún. Sorry heit, ik wit sa gau it Fryske wurd net te betinken! En Jan Piet, kom mar gau dan kinsto ús de rest fan de nammen leare.