Al by fiif tehuzen west
Door: Renske
Blijf op de hoogte en volg Familie
29 Juli 2014 | Hongarije, Kisléta
Juster dan begûn mei it rûnbringen. Omdat de karre wat lytser is as foarige kear kinne we net twa tehuzen yn ien kear dwaan. Bobbi, ien fan de bewenners, helpt ús alle kearen mei ynladen. Dat fynt er prachtich wurk. Zsolti, in oare bewenner, mei him der ek graach yn minge. It moat sus en it moat sa, och wat helpe de famkes goed mei. Foarige wike woe er ús wiismeitsje dat er in jier nei Frankryk sil. We litte him mar wat prate, want oars is er ‘not amused’ en wurde we in skoft negeard.
Yn Nyírbátor brochten we klean en fuotballen by in opfangtehûs. It wie in grutte ‘meglepetés’ (ferrassing) dat we kamen. Der waard gau mei de direktrise belle om te freegjen wêr’t de doazen stean moasten. Nei it útladen en in bakje kofje hawwe we ynladen foar it ‘Blijf van mijn lijf huis’ yn Nyíregháza. Hjir wienen we gau klear sadat we yn ús eigen tehûs ite koenen. Doe de middeis noch in ritsje makke nei Tiborszálas, in âldereintehûs. Moai op ’e tiid wer thús. Wol lekker om even neat te dwaan mei dat waarme waar. Jûns noch wat yn de húshâlding dien, dan is it noch wat út te hâlden.
De famkes geane no jûns faak nei it fuotbalfjild. Soms om sels te fuotbaljen en soms om te sjen nei de jonges. Oft it dan giet om it spul of om de jonges litte we mar yn it midden. Feit is wol dat de jonges hieltyd mear belangstelling foar ús froulju krije. Doe’t we de karre hellen, sei de ferhierder al tsjin ús direktrise: Dêr meie se wol om tinke by jim yn it doarp, mei al dy sigeuners. Ik fyn it lestich om mei dy diskriminaasje om te gean. As de sigeuners gjin kânsen krije, wurdt it ek hieltyd lestiger.
Fan’e moarn binne we earst nei Berettyoufalu riden. De direkteur wie der diskear net en we fûnen it wol aardich om te sjen dat de wurknimmers dan folle frijer binne en ek folle mear fertelle en sjen litte. We hawwe it hjir ek hân oer de oansteande feroarings. De bern ûnder de 12 moatte nei pleechgesinnen. Dêr binne der fansels net genôch fan. Wurkleaze minsken kinne harren no foar dit wurk oanmelde. It wurdt dan dus dien foar it jild en net út leafde foar de bern en dat liket ús en in protte minsken hjir net in goede ûntwikkeling. Yn it tehûs wienen se o sa wiis mei de (sport) klean en de ballen. We krigen ek noch in rûnlieding yn de lytse wenningen dêr’t in tal jonges ûnder begelieding wenje.
Underweis hawwe we hearlik iten, we wienen earst om healwei trijen wer yn Kisléta. Gau ynladen foar it tehûs yn Nyírbéltek. Dêr is in nije direktrise kaam, sy wurke earst yn Kisléta. De bewenners holpen mei it útladen. It binne âldere minsken mei psychyske problemen en geastlik handikapten. Mei ien fan harren in praatsje makke, in bytsje oandacht fine se sa fijn. Noch in rûnlieding hân. As ik sjoch hoe’t minsken hjir libje moatte dan meie wy yn Nederlân noait wer seure. Ik tink dat it ien fan tehuzen is dý’t der it minste oan ta is. Alles âld en fersliten en fansels gjin jild foar renovaasje.
Krekt noch op besite west by Ivan, in âld kollega. We moasten even ynformearje hoe't it mei de dowen giet dy't er fan Oebele út Nederlân krigen hat. Leuk dat we al in hiel skoft prate kinne yn it Hongaarsk!
Yn Nyírbátor brochten we klean en fuotballen by in opfangtehûs. It wie in grutte ‘meglepetés’ (ferrassing) dat we kamen. Der waard gau mei de direktrise belle om te freegjen wêr’t de doazen stean moasten. Nei it útladen en in bakje kofje hawwe we ynladen foar it ‘Blijf van mijn lijf huis’ yn Nyíregháza. Hjir wienen we gau klear sadat we yn ús eigen tehûs ite koenen. Doe de middeis noch in ritsje makke nei Tiborszálas, in âldereintehûs. Moai op ’e tiid wer thús. Wol lekker om even neat te dwaan mei dat waarme waar. Jûns noch wat yn de húshâlding dien, dan is it noch wat út te hâlden.
De famkes geane no jûns faak nei it fuotbalfjild. Soms om sels te fuotbaljen en soms om te sjen nei de jonges. Oft it dan giet om it spul of om de jonges litte we mar yn it midden. Feit is wol dat de jonges hieltyd mear belangstelling foar ús froulju krije. Doe’t we de karre hellen, sei de ferhierder al tsjin ús direktrise: Dêr meie se wol om tinke by jim yn it doarp, mei al dy sigeuners. Ik fyn it lestich om mei dy diskriminaasje om te gean. As de sigeuners gjin kânsen krije, wurdt it ek hieltyd lestiger.
Fan’e moarn binne we earst nei Berettyoufalu riden. De direkteur wie der diskear net en we fûnen it wol aardich om te sjen dat de wurknimmers dan folle frijer binne en ek folle mear fertelle en sjen litte. We hawwe it hjir ek hân oer de oansteande feroarings. De bern ûnder de 12 moatte nei pleechgesinnen. Dêr binne der fansels net genôch fan. Wurkleaze minsken kinne harren no foar dit wurk oanmelde. It wurdt dan dus dien foar it jild en net út leafde foar de bern en dat liket ús en in protte minsken hjir net in goede ûntwikkeling. Yn it tehûs wienen se o sa wiis mei de (sport) klean en de ballen. We krigen ek noch in rûnlieding yn de lytse wenningen dêr’t in tal jonges ûnder begelieding wenje.
Underweis hawwe we hearlik iten, we wienen earst om healwei trijen wer yn Kisléta. Gau ynladen foar it tehûs yn Nyírbéltek. Dêr is in nije direktrise kaam, sy wurke earst yn Kisléta. De bewenners holpen mei it útladen. It binne âldere minsken mei psychyske problemen en geastlik handikapten. Mei ien fan harren in praatsje makke, in bytsje oandacht fine se sa fijn. Noch in rûnlieding hân. As ik sjoch hoe’t minsken hjir libje moatte dan meie wy yn Nederlân noait wer seure. Ik tink dat it ien fan tehuzen is dý’t der it minste oan ta is. Alles âld en fersliten en fansels gjin jild foar renovaasje.
Krekt noch op besite west by Ivan, in âld kollega. We moasten even ynformearje hoe't it mei de dowen giet dy't er fan Oebele út Nederlân krigen hat. Leuk dat we al in hiel skoft prate kinne yn it Hongaarsk!
-
30 Juli 2014 - 07:20
Grutte:
Hi jongens en famkes, moai om te lezen hoe it giet. Yn Nederlan falt op sommige plakken in soad weter mar by us tot no ta net, it is noch hieltyd moai waar.
Er stoort mij hier een kat tijdens het tikken van dit bericht hij denkt dat het toetsenbord zijn mand is ???
Ja ergens anders zijn maakt je weer tevreden met de situatie in Nederland, het heeft dus zo zijn voordelen om op vakantie te gaan. En ik weet wel waar het om gaat bij het voetballen.
Groetjes en lekker genieten. -
30 Juli 2014 - 11:45
Jan Pasma:
Hoi Fryske Hongaren! Juster sei ik dat der gjin nijs wie, mar doe wist ik noch net dat der in grutte brân wie yn de suvelfabryk fan Gerkeskleaster. De tsiisopslach is yn flammen opgien mei 45.000 tsizen en al. Net mear te rêden, mar de fabryk wol, al sil it noch wol even duorje ear't de produksje wer opstarten wurde kin. Dit is nijs dat foaral Jelle wol ynteressearje sil, al hat er dan no ek fakânsje, want as ik it goed haw hat "De Klokslag" de tsiislijn makke. No, dit wie it foarearst.
Groetnis, heit -
31 Juli 2014 - 07:21
Grutte:
Happy birthday to you
Happy birthday to you
Happy birthday dear Rennie
Happy birthday to you
Lokwinkse mei dyn jierdie en meitsje der in moaie dei fan.
groetjes Tryn
Reageer op dit reisverslag
Je kunt nu ook Smileys gebruiken. Via de toolbar, toetsenbord of door eerst : te typen en dan een woord bijvoorbeeld :smiley
