Jild útjûn en nije besite
Door: webmaster
Blijf op de hoogte en volg Familie
04 Mei 2010 | Hongarije, Kisléta
It is al wer sa'n 14 dagen lyn dat ik skreaun haw. Tiid foar in nij ferslach.
Fjouwerentweintich april wie it ús troudei. Dat hawwe we fierd mei in middei Debrecen. It wie prachtich waar! We hawwe lekker op in bakje sitten by in fontein, in ijsje iten, gebak hân en wat winkele. De jûns te iten west yn in echt Hongaarsk restaurant.
De sneins dêrnei hawwe der wer in pear bern delwest. Dêr genietsje sy en wy alle kearen wer fan.
De wike begong goed, moandeis gewoan oan it wurk west. Tiisdeis wie Ymkje thús fan skoalle omdat se har net lekker fielde. Doe bin ik ek thús bleaun. Dyselde jûns fûn Feije it aardich om even te gimmestykjen. It rûn net hielendal goed ôf. We hearden de famkes razen en gûlen en doe't we by him kamen siet er ûnder it bloed. In lyts gat yn de foarholle, lippe hielendal iepen. Earst nei de poart fan it tehûs riden om te freegjen oft de dokter wol tsjinst hie en dêrnei trochriden nei dokter. Dy hat fierder neat dien, allinne mar in pleister plakt. Dat hienen we fansels sels ek wol kinnen. Mar hy fûn wol dat we de oare deis wer komme moasten. We hawwe no al trije kear wer west en alle kearen allinne mar foar de pleister. We sille it hjir wol noait snappe! De man nimt syn wurk o sa serieus, meast kin der ek gjin glimke ôf. Mar juster moast er dochs wol even om ús mantsje laitsje. Moarn mei de pleister der ôf, it begjint aardich te hieljen. Panyk om 'e nocht dus mar hy mocht foarige wike net nei skoalle fan juf. Se binne sa bang dat der wat bart! Noch in pear frije dagen :) Koe ik moai even wat achterstallich húshâldlik wurk dwaan foardat de besite kaam.
Dy is ûndertusken arrivearre. Se hienen nije sokken, slabben, ûnderguod en boartersguod foar de bern yn it tehûs meikrigen en fansels hienen se foar ús nútsjesmoar, rûgeltsjes, flokken en drop meinommen. Snein hawwe we meielkoar nei Eger west. Wat in ferskil mei de winter. It wie in stik fleuriger. Mear minsken op strjitte, de terraskes sieten fol, kreamkes mei souveniers. We hawwe in leuke dei hân.
Juster koenen we dan einlings ús sinten kwyt. We hienen ûndertusken sa'n 800 euro byelkoar sparre/krigen. We hienen de direktrise frege wat se hjirfoar hawwe woe. Se hat oerlein mei de haadsusters en se woenen wol graach nije kleden foar de keamers fan de bern hawwe. De bern sitte faak op de grûn te boartsjen of se lizze dêr te sliepen en de âlde kleden waarden minder. Wy mochten mei twa susters te winkeljen. Nei lang berie hawwe we meielkoar wat útsocht. We koenen njoggen grutte kleden keapje. Se wienen der hiel bliid mei. We sille hjoed even sjen oft it al teplak leit. Foar alle minsken dy't jild jûn hawwe: tige tank!!!
Hjoed mei Feije nei skoalle west. It wie foar memmedei. De bern dienen allegearre opsisferskes en hawwe songen mar Feije woe net meidwaan. Hy stie derby mei de tomme yn de mûle. Thús praat er hieltyd mear Hongaarsk mar op skoalle fertikt er it. Juf seit dat er it wol praat mei de bern mar net mei har. Nei it optreden krigen alle memmen in moaie blom en in selsmakke kaart.
Foarige wike haw ik de learares Dútsk in hiele protte oefeningen jûn foar it praten. Dy hawwe Jelle en ik tegearre oersetten. Se wie der wol bliid mei. Miskien gean ik noch ris nei skoalle om in gastles te jaan.
Fierder bin ik drok dwaande mei it meitsjen fan twa mappen mei foarbylden fan fouwurkjes. Brecht en DP hawwe lêsten in hiele protte foubledsjes meinommen (dy hawwe se hjir hast net). Dit jouwe we oan de skoalle fan it tehûs en oan Feije syn juf.
No binne jim wer aardich op de hichte fan ús dwaan en litten. De fammen sille ynkoarten ek wol wer in stikje skriuwe mar se hawwe it drok mei skoalle en boartsjen.
Fjouwerentweintich april wie it ús troudei. Dat hawwe we fierd mei in middei Debrecen. It wie prachtich waar! We hawwe lekker op in bakje sitten by in fontein, in ijsje iten, gebak hân en wat winkele. De jûns te iten west yn in echt Hongaarsk restaurant.
De sneins dêrnei hawwe der wer in pear bern delwest. Dêr genietsje sy en wy alle kearen wer fan.
De wike begong goed, moandeis gewoan oan it wurk west. Tiisdeis wie Ymkje thús fan skoalle omdat se har net lekker fielde. Doe bin ik ek thús bleaun. Dyselde jûns fûn Feije it aardich om even te gimmestykjen. It rûn net hielendal goed ôf. We hearden de famkes razen en gûlen en doe't we by him kamen siet er ûnder it bloed. In lyts gat yn de foarholle, lippe hielendal iepen. Earst nei de poart fan it tehûs riden om te freegjen oft de dokter wol tsjinst hie en dêrnei trochriden nei dokter. Dy hat fierder neat dien, allinne mar in pleister plakt. Dat hienen we fansels sels ek wol kinnen. Mar hy fûn wol dat we de oare deis wer komme moasten. We hawwe no al trije kear wer west en alle kearen allinne mar foar de pleister. We sille it hjir wol noait snappe! De man nimt syn wurk o sa serieus, meast kin der ek gjin glimke ôf. Mar juster moast er dochs wol even om ús mantsje laitsje. Moarn mei de pleister der ôf, it begjint aardich te hieljen. Panyk om 'e nocht dus mar hy mocht foarige wike net nei skoalle fan juf. Se binne sa bang dat der wat bart! Noch in pear frije dagen :) Koe ik moai even wat achterstallich húshâldlik wurk dwaan foardat de besite kaam.
Dy is ûndertusken arrivearre. Se hienen nije sokken, slabben, ûnderguod en boartersguod foar de bern yn it tehûs meikrigen en fansels hienen se foar ús nútsjesmoar, rûgeltsjes, flokken en drop meinommen. Snein hawwe we meielkoar nei Eger west. Wat in ferskil mei de winter. It wie in stik fleuriger. Mear minsken op strjitte, de terraskes sieten fol, kreamkes mei souveniers. We hawwe in leuke dei hân.
Juster koenen we dan einlings ús sinten kwyt. We hienen ûndertusken sa'n 800 euro byelkoar sparre/krigen. We hienen de direktrise frege wat se hjirfoar hawwe woe. Se hat oerlein mei de haadsusters en se woenen wol graach nije kleden foar de keamers fan de bern hawwe. De bern sitte faak op de grûn te boartsjen of se lizze dêr te sliepen en de âlde kleden waarden minder. Wy mochten mei twa susters te winkeljen. Nei lang berie hawwe we meielkoar wat útsocht. We koenen njoggen grutte kleden keapje. Se wienen der hiel bliid mei. We sille hjoed even sjen oft it al teplak leit. Foar alle minsken dy't jild jûn hawwe: tige tank!!!
Hjoed mei Feije nei skoalle west. It wie foar memmedei. De bern dienen allegearre opsisferskes en hawwe songen mar Feije woe net meidwaan. Hy stie derby mei de tomme yn de mûle. Thús praat er hieltyd mear Hongaarsk mar op skoalle fertikt er it. Juf seit dat er it wol praat mei de bern mar net mei har. Nei it optreden krigen alle memmen in moaie blom en in selsmakke kaart.
Foarige wike haw ik de learares Dútsk in hiele protte oefeningen jûn foar it praten. Dy hawwe Jelle en ik tegearre oersetten. Se wie der wol bliid mei. Miskien gean ik noch ris nei skoalle om in gastles te jaan.
Fierder bin ik drok dwaande mei it meitsjen fan twa mappen mei foarbylden fan fouwurkjes. Brecht en DP hawwe lêsten in hiele protte foubledsjes meinommen (dy hawwe se hjir hast net). Dit jouwe we oan de skoalle fan it tehûs en oan Feije syn juf.
No binne jim wer aardich op de hichte fan ús dwaan en litten. De fammen sille ynkoarten ek wol wer in stikje skriuwe mar se hawwe it drok mei skoalle en boartsjen.
-
04 Mei 2010 - 16:42
Hennie Annema:
he famylje, goed op te witten dat de nije besite der is'
Ik hoop dat se in goeie reis h^an hawwe,
ik stean hieltyd wer fersteld wat jimme der allegear ut de wei sette.
Myn respekt foar jimme wurdt hieltyd grutter.
Doch de groetnis oan de fammen en oan us brokkepiloast en genietsje ek fan jimme besite
Oant in oare kear
-
05 Mei 2010 - 06:47
Tryn:
Hoi allegear, leuk om weer wat te lezen en zo op de hoogte te blijven van het wel en wee van de familie. Heerlijk dat je met geld kunt smijten en er dan ook nog zoveel tevreden mensen en kinderen voor terug krijgt. Pake Jan sjocht der mar goed ut. Gelukkig had hij nog een korte broek gekocht voor vertrek. Hier is ook alles oke, het weer is wat minder maar ja dat weet je dat hoort bij ons land. Ik zie uit naar mijn weekje Hongarije kan ik alles weer eens met eigen ogen zien. Ik ga dadelijk eens proberen wat er allemaal in dat kleine koffertje van mij past. Groetjes Grutte -
05 Mei 2010 - 08:14
Jaap En Lemke:
Van harte gelukgewenst met jullie trouwdag. Wij staan versteld van alle verslagen. Wij wensen jullie de komende ruim 100 dagen evenveel verslagen en plezier. Oant sjen. -
05 Mei 2010 - 09:30
Pietrik:
Hoi allemaal, Wat heerlijk dat jullie zoveel mooie dingen daar meemaken en de mensen zo blij kunnen maken met voor ons soms zulke simpele dingen. Ik wens jullie alle goeds en trouwens nog gefeliciteerd met jullie trouwdag.
groetjes Pietrik -
08 Mei 2010 - 10:26
Baukje Fortuin 8 Mei:
Fam . Pasma
Jimme dogge it geweldig!
Leuk om de foto 's te sjen.
Groetnis Baukje -
09 Mei 2010 - 18:16
Anna Karin:
Wat leuk om wer even in ferslach te lêzen Renske. Jim belibje dêr hiel wat!! Noch lokwinske mei jimme troudei. Leuk om it sa even te fieren :-)
Reageer op dit reisverslag
Je kunt nu ook Smileys gebruiken. Via de toolbar, toetsenbord of door eerst : te typen en dan een woord bijvoorbeeld :smiley
