de peaskedagen
Door: webmaster
Blijf op de hoogte en volg Familie
07 April 2010 | Hongarije, Kisléta
We binne de peaskedagen goed trochkommen. It is hjir nei it krystfeest it belangrykste feest fan it jier. Guon kollega's wienen de sneons al om 5 oere fan it bêd om iten te sieden en te bakken. Sa gek hawwe wy it mar net dien. De freeds hienen we al boadskippe. Sneon hat Jelle de nije gerdinen ophelle en haw ik de winterklean opromme. Middeis hawwe we yn de tún oan it wurk west.
Snein wienen we earst yn it tehûs om de peaskehazzen út te dielen. De bern fûnen it leuk (en lekker) en de susters fûnen it in aardich gebaar. Omdat we nochal wat oer hienen, hawwe we dy de middeis nei de berneôfdieling fan it sikehûs yn Nyiregyháza brocht.
Doe wie it wachtsjen op de besite út Fryslân. Se kamen om 14.00 oan, earder as wy tochten. Fluch in rûnlieding jûn yn it hûs en doe moasten we nei de direktrise. Hjir stie de hiele famylje ús op te wachtsjen. We hawwe lekker iten en it wie gesellich. Hoewol't we der soms oan twivelje, hawwe we no sjoen dat ús opfieding net foar neat west hat :) De jûns even bypraten mei de famylje en doe op bêd.
Moandei binne we de dei begongen mei in 'paasontbijt'. De middeis hawwe we nei de tsjerke west yn Mariapócs. Hjir hinget in icoon fan Maria dat al in pear kear gûld hat. Fansels barde dat wûnder net doe't wy der wienen. Fierder noch wat spultsjes dien. It is hiel leuk dat de famylje der is, de bern fine it ek geweldich!
Spitich genôch krigen we moandeitejûn it berjocht dat Onno ferstoarn is. Ik fyn it no even hiel ferfelend dat we sa fier fuort binne mar yn ús tinzen binne we by Jetteke en de bern.
Juster wer begongen mei it wurk. We tochten dat de fakânsje foarby wie mar de bern kamen werom, noch gjin skoalle. Wat in gelok dat we no oppas thús hawwe.
Hjoed binne se wol wer hinne en is de famylje nei Gödöllö en Hortobagy. Wierskynlik geane we yn it wykein ek noch wol in dei op stap. Moandei sille Jelle en DP nei Eastenryk om spul op te heljen. Der binne al hiel wat klean en oare spullen ynsammele. Dy geane allegearre mei op in transport fan Jelle syn wurk. As se dan tiisdei hjir wer binne, kinne wy alles sortearje. Wat der oer is, reitsje we wol wer earne oars kwyt.
Fierder kin ik jimme noch melde dat ús berntsjes aardich 'bijdehand' wurde. Fan wa't se dat doch ris hawwe????
• Lêsten socht Jelle wat dat flak foar syn noas stie. Tjitske sei tsjin Feije: Heit hat in dûbele bril noadich. Siet Feije: Dy hat er al!
• Even letter sei Jelle: Oars moatte we aansen it bêd mar even bûten hingje. Seit Tjitske: dat is wol swier op de line!
• Sneon wienen oan it wurk yn de tún. Ien fan de bewenners fan it tehûs kaam nei ús ta. O, seit Feije, dêr is mem har freon. Ik antwurde: Ja, mem hat in protte freonen! Feije: Ja, hjir wol!
Snein wienen we earst yn it tehûs om de peaskehazzen út te dielen. De bern fûnen it leuk (en lekker) en de susters fûnen it in aardich gebaar. Omdat we nochal wat oer hienen, hawwe we dy de middeis nei de berneôfdieling fan it sikehûs yn Nyiregyháza brocht.
Doe wie it wachtsjen op de besite út Fryslân. Se kamen om 14.00 oan, earder as wy tochten. Fluch in rûnlieding jûn yn it hûs en doe moasten we nei de direktrise. Hjir stie de hiele famylje ús op te wachtsjen. We hawwe lekker iten en it wie gesellich. Hoewol't we der soms oan twivelje, hawwe we no sjoen dat ús opfieding net foar neat west hat :) De jûns even bypraten mei de famylje en doe op bêd.
Moandei binne we de dei begongen mei in 'paasontbijt'. De middeis hawwe we nei de tsjerke west yn Mariapócs. Hjir hinget in icoon fan Maria dat al in pear kear gûld hat. Fansels barde dat wûnder net doe't wy der wienen. Fierder noch wat spultsjes dien. It is hiel leuk dat de famylje der is, de bern fine it ek geweldich!
Spitich genôch krigen we moandeitejûn it berjocht dat Onno ferstoarn is. Ik fyn it no even hiel ferfelend dat we sa fier fuort binne mar yn ús tinzen binne we by Jetteke en de bern.
Juster wer begongen mei it wurk. We tochten dat de fakânsje foarby wie mar de bern kamen werom, noch gjin skoalle. Wat in gelok dat we no oppas thús hawwe.
Hjoed binne se wol wer hinne en is de famylje nei Gödöllö en Hortobagy. Wierskynlik geane we yn it wykein ek noch wol in dei op stap. Moandei sille Jelle en DP nei Eastenryk om spul op te heljen. Der binne al hiel wat klean en oare spullen ynsammele. Dy geane allegearre mei op in transport fan Jelle syn wurk. As se dan tiisdei hjir wer binne, kinne wy alles sortearje. Wat der oer is, reitsje we wol wer earne oars kwyt.
Fierder kin ik jimme noch melde dat ús berntsjes aardich 'bijdehand' wurde. Fan wa't se dat doch ris hawwe????
• Lêsten socht Jelle wat dat flak foar syn noas stie. Tjitske sei tsjin Feije: Heit hat in dûbele bril noadich. Siet Feije: Dy hat er al!
• Even letter sei Jelle: Oars moatte we aansen it bêd mar even bûten hingje. Seit Tjitske: dat is wol swier op de line!
• Sneon wienen oan it wurk yn de tún. Ien fan de bewenners fan it tehûs kaam nei ús ta. O, seit Feije, dêr is mem har freon. Ik antwurde: Ja, mem hat in protte freonen! Feije: Ja, hjir wol!
-
08 April 2010 - 07:40
Hennie:
He Jelle, Renske, bern en famylje.
It is geweldich om te merken dar de opfieding net foar neat west hat, it is dreech op ôfstân te sitten as je graach efkes in earm om in oar syn skouder lizze wolle, it is geweldich om te merken dat je skrandere bern hawwe,
allegear emoasjes dy't yn in rap tempo foarby komme.
Ik kin my foarstelle dat dit soms dreech is mar komplimenten foar jimme ynset en de manier werop as we jimme folgje kinne
-
08 April 2010 - 08:24
Heit:
Ja, fan wa hawwe se dat byderhante? Wie Jelle ek sa doe't er noch sa'n jonkje wie? Renske wie as bern earder de skrutene kant neist. Hawar, jimme tsiere der mar oer. Juster hawwe Pytsje en ik nei de Hema yn Amsterdam west om klean. It wie prachtich waar en it gie flot. Alles stie al klear en binnen fiif minuten hiene we de boel ynladen en rieden we wer. It frommeske fan de Hema belle letter noch oft alles slagge wie. Super sei Pytsje. Yn Boalsert hawwe we de boel wer útladen en dan komt it jimme kant út mei de frachtauto. Der wie in man dy soe Jelle even in foto stjoere fan de fracht sdat Jelle sjen kin oft de karre meimoat of net. Juster haw ik de advertinsje opstjoerd fan Onno. Der is in grut kevert omhinne dien, miskien is it dan earder teplak. It moaie waar is hjir no wer even op, niis wat mizerich al wurdt it al wer wat ljochter. Hertlike groetnis oan allegear. -
08 April 2010 - 12:03
Nynke En Lyanne:
Wat in ferassing juster, samar ik kaertsje fan Feije! Lyanne is d'r hiel wiis mei. Se freget de hiele dei of we ek nei Feije ta gean. Se sil no in tekening meitsje en die gean we dan wol opstjoeren. We hawwe tegearre al nei de foto's sjoen, fynt se prachtich (en Feije hat deselde pyjama as Hendrik, dat seach mefrou direkt!).
Moai dat alles sa goed giet en leuk dat jim besitte hawwe!
En dat de bern wat bijdehan weze kinne, miskien wisten we dat ek al in bytsje ;),
groetjes daar,
Nynke en Lyanne (mar die sliept no) -
15 April 2010 - 15:43
Iepie:
Hoi allegear,
Hoe giet it dêr. Hat myn âldste suster al in moaie Hongaar oan'e heak slein?
Hjir alles goed, de maaitiid hat muoite troch te brekken, mar wy hâlde hoop...
Groetnis oan allegear.
Iepie -
25 April 2010 - 11:17
Tryn:
Hoi allemaal,
ik ben wat achter met het lezen maar dat ga ik vandaag goed maken. Ik heb zopas een vlucht geboekt naar Budapest, dus ik kom. Het is hier vandaag supermooi weer, eigenlijk de hele afgelopen week al veel zon, maar s'nachts nog vorst. Dat van die Kids is niks nieuws hoor, zo zijn ze thuis ook al. Groetjes en oant sjen Grutte
Reageer op dit reisverslag
Je kunt nu ook Smileys gebruiken. Via de toolbar, toetsenbord of door eerst : te typen en dan een woord bijvoorbeeld :smiley
