En we soenen gjin stress hjir!
Door: webmaster
Blijf op de hoogte en volg Familie
06 Februari 2010 | Hongarije, Kisléta
De dei begong juster mei pech. De rjochterfoarbân fan de auto wie lek en by de Touran sit gjin reservetsjil. Jelle koe dus net mei nei skoalle want hy moast wachtsje op de Hongaarske ANWB. Feije is by him bleaun.
Tjitske, Ymkje en ik binne mei de direktrise nei skoalle riden. Dêr waarden we oerdroegen oan de learares Dútsk. Sy hat ús in rûnlieding jûn. Der sitte 185 bern op skoalle, krekt wat mear as by ús. De bern begjinne hjir mei 6/7 jier op de basisskoalle en sitte hjir oant harren 14e. Ymkje komt yn de earste klasse en Tjitske yn de tredde. Wierskynlik sitte se no in klasse leger as by ús. Se meie moandei al begjinne. De famkes mochten juster ek al even yn harren klasse sjen mar dat doarden se net. It wie wol wat spannend, al dy nije bern dy't allinne mar Hongaarsk prate. Ymkje moat alle dagen fan 8.00 oant 16.00 nei skoalle, se yt tusken de middei waarm mei de oare bern. Tjitske hat les fan 8.00 oant 11.30 of 12.30, sy yt dêrnei ek waarm mei de oare bern. Dizze klasse hat middeis gjin les. De bern kinne op skoalle of thús harren húswurk meitsje. We binne hiel benijd hoe't it gean sil. De fammen binne o sa senuwachtich mar it komt fêst klear. De juffen wienen yn elts gefal hiel aardich. De learares Dútsk is der as der problemen binne en der is ek in learares Ingelsk. Se krije beide Ingelske les. No is harren Dútsk en Ingelsk ek net optimaal mar in hiele protte begripe se wol en it is altyd better te folgjen as Hongaarsk.
We hawwe de moarns ek gelyk in besite brocht oan de kleuterskoalle. Feije mocht dêr wol hinne mar se woenen earst wol even mei him yn 'e kunde komme. De middeis om fjouwer oere hawwe we mei him hinne west. Hy fûn it wakker moai en kin hast net wachtsje oant moandei. De earste dagen giet er sa'n twa oeren hinne om te wennen en dêrnei mei er echt. Moandei gean ik earst noch mei al fynt er sels wol dat er allinnich kin. Wierskynlik hâlde we him middeis thús want de bern sliepe fan 13.00 oant 15.30 op skoalle. Dat sjogge we mei ús mantsje net sa sitten. Mar omdat ien fan ús foar Tjitske middeis ek thús wêze moatte is dat ek gjin probleem.
Undertusken wienen Jelle en Feije mei de sleepauto yn Nyiregyhaza nei in garaazje brocht. Doe't se dêr oankamen wienen krekt alle monteurs oan it iten :). Wachtsje dus. Om ien oere seinen se dat it noch in oerke duorje soe, om healwei fjouweren mochten se dan einlings wer fuort. Mar it is al wer sneller klear as dat de direktrise tocht, sy tocht dat it wol oant woansdei duorje koe. Lang leve de ANWB! It is allegearre keurich regele, se hawwe ek in pear kear belle oft der al ien wie en oft it probleem oplost wie.
Omdat we no moandei mei de bern nei skoalle moatte, kinne we net nei Nyiregyhaza om ús ferbliuwsfergunning te regeljen. Dat wurdt no tiisdei of woansdei. De direktrise sil mei, al tinke wy dat we it allinne ek wol oprêde. Se frege noch yn hokker taal de formulieren útdraaid wurde moasten, Ingelsk of Hongaarsk. We hawwe frege om Ingelske mar Hongaarske krigen. Dêrom moatte we it wol mei har ynfolje want it is net te dwaan om alles yn in wurdboek op te sykjen.
We hoopje mar dat we nije wike skjinmeitsje meie yn it oare hûs. Omdat it yn de karre sa kâld en fochtich is, hawwe we alles hjir yn hûs stean. It is wol wat krap sa.
Hjoed hawwe we in waskmasine helle. Ek wer in hiele belevenis. It is earst altyd in hiele keunst om ien te finen dy't Ingelsk of Dútsk praat. Dan krije je twa formulieren mei en moatte je ôfrekkenje by de kassa, dêr wurde dan wer stimpels en hantekeningen op setten. Om it garânsjebewiis te krijen moatte je dan wer nei in oare baalje. Dan docht bliken dat it garânsjebewiis yn de ferpakking fan de waskmasine sit, as je gelok hawwe kinne je dy der útkrije en oars moatte je letter mar wer ris komme. Dan kinne je mei de papieren nei it magazyn en as je dan in hantekening setten hawwe, kinne je de waskmasine meikrije.
It ding stiet hjir no en Jelle is him oan it oansluten. No moatte we noch sjen oft de badkeamer net blank komt te stean as ik waskje want as we doese komt it skûm yn it putsje fierderop omheech.
Tjitske, Ymkje en ik binne mei de direktrise nei skoalle riden. Dêr waarden we oerdroegen oan de learares Dútsk. Sy hat ús in rûnlieding jûn. Der sitte 185 bern op skoalle, krekt wat mear as by ús. De bern begjinne hjir mei 6/7 jier op de basisskoalle en sitte hjir oant harren 14e. Ymkje komt yn de earste klasse en Tjitske yn de tredde. Wierskynlik sitte se no in klasse leger as by ús. Se meie moandei al begjinne. De famkes mochten juster ek al even yn harren klasse sjen mar dat doarden se net. It wie wol wat spannend, al dy nije bern dy't allinne mar Hongaarsk prate. Ymkje moat alle dagen fan 8.00 oant 16.00 nei skoalle, se yt tusken de middei waarm mei de oare bern. Tjitske hat les fan 8.00 oant 11.30 of 12.30, sy yt dêrnei ek waarm mei de oare bern. Dizze klasse hat middeis gjin les. De bern kinne op skoalle of thús harren húswurk meitsje. We binne hiel benijd hoe't it gean sil. De fammen binne o sa senuwachtich mar it komt fêst klear. De juffen wienen yn elts gefal hiel aardich. De learares Dútsk is der as der problemen binne en der is ek in learares Ingelsk. Se krije beide Ingelske les. No is harren Dútsk en Ingelsk ek net optimaal mar in hiele protte begripe se wol en it is altyd better te folgjen as Hongaarsk.
We hawwe de moarns ek gelyk in besite brocht oan de kleuterskoalle. Feije mocht dêr wol hinne mar se woenen earst wol even mei him yn 'e kunde komme. De middeis om fjouwer oere hawwe we mei him hinne west. Hy fûn it wakker moai en kin hast net wachtsje oant moandei. De earste dagen giet er sa'n twa oeren hinne om te wennen en dêrnei mei er echt. Moandei gean ik earst noch mei al fynt er sels wol dat er allinnich kin. Wierskynlik hâlde we him middeis thús want de bern sliepe fan 13.00 oant 15.30 op skoalle. Dat sjogge we mei ús mantsje net sa sitten. Mar omdat ien fan ús foar Tjitske middeis ek thús wêze moatte is dat ek gjin probleem.
Undertusken wienen Jelle en Feije mei de sleepauto yn Nyiregyhaza nei in garaazje brocht. Doe't se dêr oankamen wienen krekt alle monteurs oan it iten :). Wachtsje dus. Om ien oere seinen se dat it noch in oerke duorje soe, om healwei fjouweren mochten se dan einlings wer fuort. Mar it is al wer sneller klear as dat de direktrise tocht, sy tocht dat it wol oant woansdei duorje koe. Lang leve de ANWB! It is allegearre keurich regele, se hawwe ek in pear kear belle oft der al ien wie en oft it probleem oplost wie.
Omdat we no moandei mei de bern nei skoalle moatte, kinne we net nei Nyiregyhaza om ús ferbliuwsfergunning te regeljen. Dat wurdt no tiisdei of woansdei. De direktrise sil mei, al tinke wy dat we it allinne ek wol oprêde. Se frege noch yn hokker taal de formulieren útdraaid wurde moasten, Ingelsk of Hongaarsk. We hawwe frege om Ingelske mar Hongaarske krigen. Dêrom moatte we it wol mei har ynfolje want it is net te dwaan om alles yn in wurdboek op te sykjen.
We hoopje mar dat we nije wike skjinmeitsje meie yn it oare hûs. Omdat it yn de karre sa kâld en fochtich is, hawwe we alles hjir yn hûs stean. It is wol wat krap sa.
Hjoed hawwe we in waskmasine helle. Ek wer in hiele belevenis. It is earst altyd in hiele keunst om ien te finen dy't Ingelsk of Dútsk praat. Dan krije je twa formulieren mei en moatte je ôfrekkenje by de kassa, dêr wurde dan wer stimpels en hantekeningen op setten. Om it garânsjebewiis te krijen moatte je dan wer nei in oare baalje. Dan docht bliken dat it garânsjebewiis yn de ferpakking fan de waskmasine sit, as je gelok hawwe kinne je dy der útkrije en oars moatte je letter mar wer ris komme. Dan kinne je mei de papieren nei it magazyn en as je dan in hantekening setten hawwe, kinne je de waskmasine meikrije.
It ding stiet hjir no en Jelle is him oan it oansluten. No moatte we noch sjen oft de badkeamer net blank komt te stean as ik waskje want as we doese komt it skûm yn it putsje fierderop omheech.
-
06 Februari 2010 - 15:20
Heit:
No, moai dat Feije sa'n sin oan skoalle hat. En mei de famkes sil it ek wol klear komme tink ik. Mar dat se senuwachtich binne kin ik my bêst begripe. It is fansels allegear like frjemd. Mar nei in pear dagen sil it wol wat wenne, it komt fêst wol klear. Dus in lekke bân en gjin reserve. Nuver dat de Touran soks net hat, dan is in thúsbringer dochs wol noflik. Knap dat de ANWB soks sa flot regelje kin yn it wat sjerperige Hongarije. Jûn hawwe we Tryn har feest, moarn doch ik oer de mail wol even ferslach. Oant oare kear. -
06 Februari 2010 - 15:57
Henine:
he famylje, wat in spoannende dagen geane dy fammen temjitte,
ik tink dat it ek wol oan komt op doarren en ik ha respekt foar dy twa dappere froulju.
Ek Feije sil syn plakje wol fine. Fierder giet it foar Hongaarske begrippen hiel hurd.
Hjir yn Boksum binne we drok mei it tarieden fan it feestje fan Trijn.
Eva Trijntje (lytse) en ik hawwe har holpen.It rint as it spoar.
We sille jûn oan jimme tinke. Ik ha de tekeningen fan de bern foaryn de map dien dus dat komt goed. Dyn stikje renny haw ik fuort nei de tekeningen dien mar it sil wol moarn wurde foardat se it lêst.
Oant in oare kear
-
07 Februari 2010 - 18:28
Tryn:
Hoi allegear, tige tank foar jimme moaie tekeningen en stikje. Juster een prachtig feest han, jammer dat jimme der net wiene. Maar ook zonder jullie was het zeer geslaagd. Ik hoefde me alleen maar druk te maken over de planning de uitvoering was in zeer goede handen.
Gelukkig komt er nu wat schot in jullie zaak. De kids naar school dan hebben jullie de handen vrij om iets te doen en daarvoor ben je er. Maar nu eerst nog de woning schoonmaken en himelje ik hoop inderdaad voor jullie dat dat nu ook kan gebeuren. En wie weet tot pasen en het gourmetten, maar hebben jullie daar dan een gourmet stel of moet ik dat dan ook nog zelf meezeulen ????
Grutte
Reageer op dit reisverslag
Je kunt nu ook Smileys gebruiken. Via de toolbar, toetsenbord of door eerst : te typen en dan een woord bijvoorbeeld :smiley
