Sok boldog születésnapot

Jelle hat hjoed in hiele protte sms'kes, tillefoantsjes, reaksjes op de site en mailtsjes krigen foar syn jierdei. Sels de kollega's hienen der oan tocht :)! Ek wie der noch post fan DP en Brecht. We witte dat der noch mear ûnderweis wêze moat, mar wêr't it úthinget witte we net. 'De wegen van de post zijn ondoorgrondelijk.'
Fannemoarn hat Jelle 'ontbijt op bed' krigen fan Ymkje. Dêrnei lekker útsliept. Fan Tjitske hat er in snickers krigen. We wisten net sa goed wat heit oars hawwe moast. We moatte ek alles wer ferhúzje. Fannemiddei neidat de famkes it skoalwurk dien hienen, hawwe we in gebakje helle. It wie lekker mar leit dreech op de mage. We hienen tocht dat we wol in gebakje helje koenen yn it doarp sels. Der is hjir ek in csukrásda mar dy soe moarn earst wer iepen gean nei in renovaasje (dêr hawwe wy wat mei). Sneon seagen we ta ús ferrassing dat er al wer iepen wie. Mar spitigernôch wienen de gerdinen hjoed wer ticht. Oftewol: zárva.
It is dochs wol frjemd sa'n jierdei fier fuort. Gjin bergen boadskippen, taart bestelle of meitsje, net it hûs oan kant en gjin besite. Oan de iene kant wol keal mar oan de oare kant ek wol relaxed.
We hawwe fannemoarn nij tegoed helle om te ynternetten, no kinne we wer even foarút. Dan kinne wy en jimme mar wer omraak skriuwe. It sjocht der nei út dat we aanst yn Kisléta ek ferbining hawwe.