Feije syn fuotbaldebút

Feije hat ôfrûne moandei syn fuotbaldebút hân. In kollega har jonkje sit op fuotbal yn Nyirbátor en se frege oft Feije it ek leuk fûn. We hawwe lêsten in kear sjoen en it liek him wol goed ta. Stêd en lân ôfreizge om sokke lytse fuotbalskuontsjes te finen mar it is slagge. De earste kear dat er meidwaan soe, hie er koarts mar ôfrûne moandei koe it dan wêze.
Jelle brocht him yn de seal nei de wedstrydsjeman (trainer) en de oare jonges. Se moasten earst in tikspultsje dwaan. Feije gong stean mei de hannen yn de bûse en hat it ris rêstich besjoen. Wy hawwe ús de bûsen útskuord!
Doe't it jonkje fan myn kollega him meinaam, gong it better. Se draafden hân yn hân troch de seal en tikken sels de oare tikkers!
Doe stienen der lytse wedstrydsjes op it programma. De twa pjutten hawwe omraak draafd mar krigen gjin kâns om de bal te reitsjen, de oaren binne folle grutter en âlder. Boppedat wurke de bal ek net mei, aldus Feije.
Ta beslút moasten se penaltys nimme. Hy stie foar de bal (al wer mei de hannen yn de bûse) en hat omraak skopt.
Freed mocht er wer mar diskear hat er gjin stap setten. Syn freontsje wie der net en hy is noch hieltyd net hielendal fit. Oare kear wer better.
De fammen hawwe nije wike foarjiersfakânsje en Feije moat eins wol nei skoalle. Mar wierskynlik bliuwt hy ek thús omdat er noch altyd hoastet. Hiel ferfelend!
Dan kin er no Jelle moai fermeitsje mei syn útspraken. De earste miggen binne al wer sinjalearre en no wol Feije om in klappermich út. Fannemoarn hienen we it oer fiif jier lyn, doe't Feije noch yn de búk siet. 'Wie myn koes dêr ek, mem?' Hy kin der soms moaie bykomme.
Jelle is dus dizze wike thús. Ik haw al in hiel skoalprogramma klear foar de froulju en Jelle is no even de master. Binne se bliid mei :)
Ik sil wol oan it wurk en middeis kinne we dan wat leuke dingen dwaan. Woansdei hawwe se yn it tehûs in peaskefiering, dêr moatte we yn elts gefal hinne.
Fannemiddei hat der in jonkje west út it tehûs en dizze jilde foar wol trije. We hienen de hannen fol mar hy fûn it prachtich. Krekt noch even nei Jelle swaaid. Hy wie mei ien fan de bewakers mei yn in sweeffleantúchje. We stienen te praten, de man stelde it foar en tsien minuten letter wie it regele. It kin hjir allegearre!