Alles rûnbrocht

De earste reis fan tongersdei gong nei in opfangtehûs foar âldere bern yn Nyírbátor. In part fan de bern hjir, is op dit moment yn Nederlân foar fakânsje. De oaren meitsje sa no en dan útstapkes of geane op kamp. Doe't wy wer op 'e nij laden hienen, binne we nei Nyíregyháza riden. It blijf van mijn lijf huis dêr't we altyd hinne geane, is ferhuze. Se sitte no yn in nij gebou. Wy hawwe in rûnlieding krigen, en it sjocht der prachtich út. Wol spitich dat de keamers ûnder noch net brûkt wurde kinne omdat it wetter hjir omheech komt. De klean binne hjir bot nedich. De froulju/famyljes dy't hjir wenje, komme faak mei neat oan. Se krije wol in soarte fan útkearing foar, mar ien fan de froulju krijt hielendal neat. Sy hat in bern krigen yn it bûtenlân, en it duorret hiel lang foardat de papieren regele binne. Oant dy tiid is se folslein ôfhinklik fan wat se krijt fan oaren. It binne tryste ferhalen!
Nei it middeisiten yn Kisléta noch in rit makke nei Tiborszálas. Hjir hienen se ús mail wol krigen, mar omdat dy yn it Dútsk wie, tochten se dat it spam wie. Oare kear mar yn it Hongaarsk besykje.
Rûn fjouweren wer thús. Bliid ta, want it is noch altyd waarm!
Freed mar ien rit op it programma. Nei it Reade Krús yn Nyíregyháza. Omdat we in hiel soad doazen foar harren hienen, beaen se oan om mei in buske te kommen. Om healwei njoggenen wie sawol de bus as de karre goed fol. Earst Julia ophelle en doe nei in opfanghûs foar froulju riden. In breiklup út Hurdegaryp hie in hiel soad truien, sjaals, mûtsen en sokken breide. Dy hawwe wy hjir brocht en de froulju en bern mochten spul útsykje. Dêr hawwe wy foto's fan makke, sadat de froulju thús sjen kinne dat it spul goed teplak kommen is. Ien fan de lytse famkes fûn it prachtich, sy hat in hiele modeshow holden. De oaren doarden noch net sa goed. It is hjir eins ek net sa beleefd om kadootsjes út te pakken dêr't dejinge dy't it jout by is.
Nei in rûnlieding nei it gebou fan it Reade Krús riden. Hjir stie iten foar ús klear. In hiel petear hân mei de direktrise. Sy hie krekt in gearkomste hân oer it flechtlingeprobleem. By ús is dat al in lestich fraachstik, mar hjir dus hielendal. Sy binne hjir net wend oan oare kultueren. Wy hearden fannewike dat der yn Debrecen rellen west hienen by it asylsikerssintrum dêr. Wy fûnen al dat der sa'n soad plysje op de dyk wie.
Om healwei fiven wienen we wer thús. In bytsje te lang wachte mei it klearmeitsjen fan it iten bûten. Wy wienen krekt healwei doe't der in bui kaam.
Sneontemoarn de karre werombrocht. Lekker dat it klear is. Fierder net in hiel soad dien, it wie net allinne waarm mar ek hiel benaud. Hjoed ek noch even útrêste want foar nije wike steane der ek al wer ôfspraken pland!